Articles
لو يودك ود مثل اللي اودك
خالك وعمك وابوك وجد جدك
كان في يسارك حطوا عرش كسرى
وفي يمينك حطوا الدينا بيدك
ويش ذنبي كل ما قد ضاع قلبي
والتفت وقلت وين يصير عندك
انت ياللي ما رعيت احساس روحي
وما عرفت الحب لو لحظه بودك
جرّب النيّه واعرف بالتجارب
كيف ودي كان وفاء وكيف ودك
ليه ياللي عشت في دنيا خيالك
لا حشى وصلك طريقه غير صدك
كنت احبك غصب عني كنت احبك
وافدى حياتي على شان خطوط ردك
لكن اني عقب هذيك الليالي
عارفك بالحيل وشهو هزلك وجدك
... اقرأ المزيد
Articles
لو كل من صاح حصّل ما يريد
بكيت انا الليل كله والنهار
بس البكى للمولع ما يفيد
لو صاح من دون فكرٍ واختيار
قريب عندي ولكنه بعيد
قريب في ناظري وبعيد دار
احب اقول لاهل الهوى شيٍ اكيد
احب اقول ان الهوى جنه ونار
Articles
لا لا تظلم كم على الارض مظلوم
انسى الهموم وخل نفسك رضيّه
وصلني المكتوب في ظروف واختوم
واسمك وعنوانك رموزٍ خفيّه
حللتها في جمله احروف وارقوم
ورتّبتها بالاحرف الابجديّه
كان اول اسمك نون واخره معلوم
شرّفتنا يا راعي العطيّـه
جتني وانا فالبيت حاير ومهموم
فرحت فيها كانت احسن هديّه
خل امس واشرحلي عن احوالك اليوم
وبكره على الله يا رهيف الثنيّه
مشتني الدنيا على خط مرسوم
امشي بدون ارضاي غصبٍ عليّه
اصبر عسى لك بالصبر خير مقسوم
يحلها يا زين رب البريّه
Articles
البارحه ياروح روحي خنجر عتابك حديد
تومي بها واليا اسهبت بين الضلوع اركيتها
حُكم الغلا خلاك تطعني وانا المستفيد
فديتك انت وكل طعنه من يدك فديتها
محبتك تجري بدمي من وريد اليا وريد
بين الضلوع العوج بخشتها وقلبي بيتها
لينت لكُ قلبن لغيرك مايلينه الحديد
ولديت لك عينن لغيركُ مابعد لديتها
وغنيت فيك النادرات الشاردات من القصيد
الي تثير الصمت في الجمهور لاغنيتها
ونشرتها باشهر مجله للقريب وللبعيد
على غلاف المختلف كلن قرا منشيتها
عقدن يليق بجيدك اللي فارقن عن كل جيد
والشفه الي هرجها معسول يخرب بيتها
لاقلت اريد وقالت امر قلت مدري ... اقرأ المزيد
Articles
أكيد أحبك ياهوى البال بالحيل
ليش أتسائل عن هواي وغرامي
أنتا الذي حبيت معك التعاليل
وأنتا هوى بالي وغايت مرادي
يامشغل ٍقلبي نهاري مع الليل
وياحارم ٍ عيني لذيذ المنامي
أن غبت عن عيني أشوفك ِ تزوير
ذكراك دايم في مقدم كلامي
ترى الغلا لك دون كشف ٍ وتحليل
حبك ملك قلبي وغير نظامي
قلبي هواك ولا رضى فيك تبدليل
وش عاد لو يكثر علي الملامي
ياكامل ٍ بالزين من غير تجميل
ميزان حبك راجح ٍ بالتمامي
الحب مايحتاج شريح ٍ وتطويل
دليل حبي لك يبين بسلامي
Articles
لو ان قلبك حس بي وافتكرني
ما طاوعك تغلي علي حبّه العيد
وش غيرك ياللي جمالك سحرني
حتى سلام العيد صار بمواعيد
ما هقوتي تبطي علي وتهجرني
ولا تصدق بي كلام المقاريد
لو شفت دمع العين كان تعذرني
كنّي فطيمٍ حارمينه من الديد
شف حالتي يشفق علي من نظرني
عقب اللقاء صرنا من بعيد لبعيد
إمن اولٍ لبطيت انا قلت زرني
واليوم تتركني بهمي وتنكيد
ارحم رحمك اللي بحبك امرني
لا يهندم حبٍ على غير ماريد