الله من قلبٍ تزايد لهيبه
كن الحسا بقصاه نارٍ وينزين

عرّضت قلبي للدروب الصِعيبه
والناس لاموني ولاهم بدارين

ما قالوا انه من سبايب حبيبه
يسهر طوال الليل والناس ممسين

حالي نحل والروح مني تعيبه
يا ناس انا شفت العنا والغرابيل

خلّي هجرني جعل ربي حسيبه
لي شفته اما ابكي واصفق بالايدين

محبوب قلبي ليت منهو يهتني به
واعيش مع مضنون عيني زمانين

جعله نصيبٍ لي وانا من نصيبه
ويا جعل يفدونه جميع المزايين

لا بغيت اكتم الي بالحشا واتصبرّ
العيون الشقيه بالدمع يفضحني

دمع عيني على الاوجان هل وتنثرّ
والهواجيس مع هذا العنا تمتحني

قد رمتني حدود الدهر والحظ الاقشرّ
في بحور الهوى والحب لين اغرقتني

اغرقتني بحور الحب انا كيف ابظهرّ
والسباحه رديه والحبال اتركتني

من عرفت المحبه طول ليلي وانا اسهرّ
يا إلاهي دخيلك من العنا تمتحني

امسي بهمي واصبح الصبح في زود ..
ودموع عيني يالغضي يذرفنــي .. والحال مني غاديٍ كنـه العود ..
تفلت عقلي ياهوى البال مني .. اسهر طوال الليل والعالم رقود ..
واعيش في ذكرى ليالٍ مضنّي .. اذكر زمانٍ فات ياجعله يعود ..
يومك تجيني تبعد الهم عني .. بيني وبينك ياهوى بالي عهود ..
ماهو بحق تخلف اليوم ضني .. لاخفت من ربك ولا خفت منقود ..
عقب الغلا واللي مضى تمتحنّي .. جازيت من يغليك يازين بصدود ..
واصبح حتى شوفتي لك تمنّي .. ترى الجفاء يازين مافيه لك فود ..
ارحم حزينٍ دمعته ... اقرأ المزيد

الله واكبر مزّه من شفاتك
اشوفها صارت عليكم ثقيله

الله واكبر من يسوي سواتك
ارخص لك الغالي ونفسك بخيله

لا وا هنيك مهتني في حياتك
الوقت ما وراك عدله وميله

ما شفت قلبٍ هام في ذكرياتك
ودموعي اللي فوق خدي هميله

يا زين كفّر غلطتك بأحسناتك
الفايت اللي فات ما فيه حيله

داو الجروح الخافيه بإلتفاتك
قلبٍ خذيته لا تضيّع دليله

الحذر ما يمنعك من القـدر
ما كـتب لك في جـبيـنك بيصـير

ما كتب للعبـد ماعـنه مفر
ماعلى المـقسـوم والكاين مطير

لا وقـعت يا فـتى عيبك ظهر
تصيـر عـند الناس مـذومٍ حـقير

مايرد الشـور لك ولا الخبر
ولا يكلمـك الصـغير ولا الكبـير

لانويت الدرب شاور واسـتخر
ما يـضيـع العاقل اللي يستشير

المخاطـر لو سـلم مره عثر
يجيـبه الجـلاّب لو طـال المسير

وانشد اللي دارسٍ غيب ونظر
كـم وقع بالفـخ من بـلبل وطير

مـن ترجى بالإله وقــد صبر
غيّر الشين القديم واصبح بخير

وش الذي غير مزاجك وخلاك
تسرح مع الهاجوس يا نور عيني مازعلك يزعلني ويرضيني رضاك
وانحاس ليمن شفت خاطرك شيني ما غير انا يا قرّه العين وياك
لا تخفي اللي بخاطرك يا ضنيني حالي ومالي لك كله فداياك
مملوك لك وامشي على ما تبيني ما دام انا مملوك لك والله اعطاك
لي بعتني من يبي يداعيك فيني من يبي يردك عن حلالك وينهاك
من يبي يمنعك لي تصرفت شيني بعني ولا تقعد تفكّر بدنياك
خذ حاجتك نقدٍ ولاهي بديني من شان ما تحتاج هذا ولا ذاك
وتفرح عليك اعداك والحاسديني ... اقرأ المزيد