Articles
عزّي لقلبٍ من عنى الوقت ذايب
من جور مابه ما يطفي لهيبه
دمعي كما وبلٍ تهل السحايب
ابكي خفا ما جابت الورق اجيبه
يا قلبي ماهي بالحيل والنهايب
وماهي بريره من قريب لقريبه
لو تشتكي خطوك وما قيل صايب
مصيبتك يا قلب ماهي غريبه
الحب مثل السهم مخطي وصايب
احدٍ عداه السهم واحدٍ يصيبه
شف ذا شباب وراسه اليوم شايب
وهذا في وقت الشيب ما فيه شيبه
ارجي الذي بامره نهب الهبايب
جزل العطايا من خلق يعتني به
Articles
مضالي عنك ايام وليالي
اعد مواصلك ساعه بساعه
حزين الطرف ما يرتاح بالي
عليل القلب من جور الولاعه
عليك الدمع فوق الخد سالي
يغطي جفن عيني باندفاعه
وانا ما اسمع لو طال الجفا لي
ولا لي غير محبوبي طماعه
الا يا عاذلي مالك ومالي
انا قلبي فراقه ما استطاعه
متى تسمح وتسرع في وصالي
تفّرح خاطري لو ربع ساعه
Articles
مشينا بدنيانا خذنا وخلينا
طويله عريضه مالها اول ولا تالي
نسافر لمستقبل جهولٍ يمنّينا
وماضٍ تشد القلب ذكراه بحبالي
ولا يندرى يد القدر وين ترمينا
على رجم قصير والا من النايف العالي
ولا فيه يا عالم بشر واحدٍ فينا
طول العمر كله مهتني دالهٍ سالي
ولا يعرف اولنا عن اخبار تالينا
كلٍ يقول اللهم اسالك عن حالي
ولا بر يشبعنا ولا بحر يروينا
لكن سماء الله بيننا والسماء خالي
سافر بدنيا مبحره مالها مينا
من اوفي حسابه طوّت به على الجالي
نبي ننهني الدنيا والاقدار تنهينا
الاعمار رهن الموت قطّاف الانجالي ... اقرأ المزيد
Articles
ما يفيد التوجّد والبكى والقصايد
يا فهد صرت مثلك بالجزيره وحيد
يا هوى البال قلبي ما بقى له شرايد
من عذابك تقطّع بين نار وحديد
ضاع وقتي معاهم بين ناقص وزايد
بين ناقص وزايد يافهد بي لهيد
مابي العشره اللي بس هم ولهايد
عشره الهم ذلي يا فهد ما تفيد
ليش لي جيت اشوفك قلت ذا شي كايد
ليش ذا شي كايد يا غضيض النهيد
وش يفيد المراسل بالصحف والجرايد
وش يفيد المراسك وانت عني بعيد
Articles
ما دام انا مبلي بحبك ومجبور
اللي تولع فيك قدر ظروفه
قدر شعور مولعٍ فيك مخطور
يضحك لسانه والبلا وسط جوفه
ومن جالسه يحسبه داله ومسرور
والجرح في كبده ولا احدٍ يشوفه
يرجي وصالك قد له ايام وشهور
جد له بوصلك كان عندك مروفه
ارحم حزينٍ من سبايبك مقهور
يسهر من اسبابك يفرّك كفوفه
منك الحسى كنّه على حر دافور
اللي اليا قفّى تتله ردوفه
حبك على امرٍ مقدّر ومامور
وعيني بصافي الدمع لجلك ذروفه
قلبي تسرّع لين حبك على الفور
ما فات مالت ولا تفيد الحسوفه
............................ ... اقرأ المزيد
Articles
ليه يا نور عيني بالجفا والصدود
منك يا كبرها يا كيف سويتها
احسب انك تعرف الحق والا العهود
تجرح القلب ذكرياك لطريتها
المحبه لها بالضماير وقود
ليتها ماجرت يا ناس ليتها
دوك دمعي تحدّر منك فوق الخدود
دوك حالي براها الجفاء شف لونها
يا هوى الروح حبك بالضماير يزود
اشهد انك تكرت الحال واشقيتها
يا وجودي على شوفتك كل الوجود
ساعهٍ في وصالك كم تمنيتها
لا تبيّين غرامك عندي لجلك حسود
تحسب انك تداوي العين واعميتها